Иртнĕ эрнере Следстви комитечĕн республикăри следстви органĕсем Пăртасри 56-ри хĕрарăм тĕ-лĕшпе уголовлă ĕç пуçарнă.

Сăлтавĕ киревсĕр: вăл çын сывлăхне юриех йывăр сиенлесе асăрхамасăр вилĕм кÿнĕ тесе шутлаççĕ.

– Тискер ĕç Пăртас ялĕнче декабрĕн 13-мĕшĕнчи каçхине пулса иртнĕ. Халĕ айăпланакан хĕрарăм ун чухне хăйĕн пĕлĕшĕн килĕнче пулнă. Следстви версийĕ тăрăх, ÿсĕрскер хăнари тепĕр 65-ри хĕрарăмпа вăрçăнса кайнă. Тытнă та ăна йывăç ухватпа тата çатма-кастрюль тытмалли хатĕрпе (чапельник) пилĕк хутчен кая мар пуç тĕлĕнчен çапнă. Лешĕ йывăр суранланнă, вăхăт иртсен вилсе кайнă. Хĕрарăма тытса чарнă. Уголовлă ĕç тишкерĕвĕ малалла пырать, – пĕлтерет Следстви комитечĕн республикăри Следстви управленийĕ.