Вăрнар çамрăкĕсене спортăн тĕрлĕ тĕсĕпе тĕрлĕ ăмăртусен çĕнтерÿçисен йышĕнче курма питĕ кăмăллă. Акă йывăр атлетсемшĕн те савăнма вăхăт.

Нумаях пулмасть вĕсем республика первенствинче тупăшнă. Юрий Агилов тренер патĕнче ăсталăха ÿстерекенсем – Денис Никитин тата Сергей Митрофанов (Вăрнарти 1-мĕш шкулта вĕренекенсем) кĕмĕл медальсемпе таврăннă.

Вĕсен шкулти тусĕ Алексей Дмитриев тата Вăрнарти 2-мĕш шкулта вĕренекен Илья Фоминпа Виктор Павлов 3-мĕш вырăнсене йышăннă.

Турнир Чăваш ен Пуçлăхĕн Кубокĕшĕн пыракан шкул ачисен Спартакиади зачетне кĕрет. Вăрнар команди унта – 3-мĕш йĕркере.

Светлана ЧИКМЯКОВА.