Кăçал Чăваш кĕнеке издательстви 100 çул тултарать.

Çак сумлă датăна халалласа социаллă проект старт илнĕ, ун йĕркипе район-хуласенче авторсем вулакансемпе тĕл пулаççĕ, кĕнеке презентацийĕсем ирттереççĕ.

Çакнашкал тĕлпулăва Вăрнарта январĕн 21-мĕшĕнче районти культура çуртĕнче ирттерме палăртнă. Курав каçне хамăр районтан тухнă писательсем – Улькка Эльмен, Ольга Австрийская, Галина Матвеева килсе çитмелле. Вĕсем хăйсен Чăваш кĕнеке издательствинче кун çути курнă кĕнекисемпе паллаштарĕç. Уяв 10 сехетре пуçланать.

Тĕлпулу йĕркипе издательствăн çĕнĕ кĕнекесен куравĕпе суту-илĕвĕ те иртĕ.