Чăваш енре «Ниме - халăх бюджечĕ» программăпа кăçал 5 млрд тенкĕлĕх 1800 пуçарăва ĕçе кĕртеççĕ. Чи кирли тата пĕлтерĕшли - çак проектсене çынсем хăйсем суйлани.

Ялсенче ĕçсене 80: енне пурнăçланă, хуласенче - 70:. Çулталăк пĕтиччен нумаях юлмарĕ, çавăнпа та вăхăта тăсса ямасăр объектсене вĕçлемеллине, пĕтĕмĕш-ле лару-тăру çирĕп тĕрĕслевре пулнине палăртнă республика Пуçлăхĕ Олег Николаев. 2027 çул валли программăна йĕркеленĕ чухне вырăнта обязательствăсене мĕнле пурнăçланине шута илĕç.

Вăрнар округĕнче кăçал «Ниме - халăх бюджечĕ» программăпа чылай объекта хута янă ĕнтĕ. Юпа уйăхĕнче Упнерте çул-йĕрĕн икĕ участокĕнче юсав ĕçĕсене вĕçленĕ. Березовка урамра 300 метр, Овражная урамра 490 метр тăршшĕ çула хытă чул сарса çĕнетнĕ. Ĕçсен пахалăхне «Халăх тĕрĕслевĕ» парти проекчĕпе хакланă.

Хамăр инф.