Уважаемые жители Вурнарского района!
Поздравляем вас с Днем защитника Отечества!
23 февраля – знаменательная дата в календаре истории Российской Федерации, символизирующая лучшие традиции сильного, независимого государства.
Мы свято чтим славную боевую историю всех поколений российских воинов, основанную на патриотических ценностях и верности воинскому долгу.
В торжественный день мы отмечаем заслуги тех, кто посвятил свою жизнь защите нашей страны и ее национальных интересов, особо чтим память героев, исполнивших свой патриотический долг, а также всех граждан, считающих защиту Отечества делом чести.
Вместе с тем в этот день поздравляют всех мужчин. Ведь 23 февраля не только день воинской славы, но и общепризнанный мужской праздник, побуждающий каждого мужчину задуматься о своем нравственном долге и гражданском предназначении.
Уважаемые мужчины!
Желаем вам крепкого здоровья, счастья, мира и благополучия, профессиональных успехов в благородном деле служения Отечеству! Пусть праздничный день вдохновит вас на достижение новых целей, станет точкой отсчета дальнейших свершений, побед и совместных добрых дел.
С уважением, Вурнарское районное местное отделение Партии «ЕДИНАЯ РОССИЯ»
Çураки вăй илсе пырать. Уй-хирте 18 ял хуçалăх организацийĕ ĕçлет.
Кĕр тыррисене 4247 гектар апатлантарнă, ку вăл планпа палăртнин 84 проценчĕ. Пулас тухăç уйĕсене 360 гектар (7,1 процент) сÿреленĕ. Ку пĕлтерĕшлĕ ĕç нÿрĕк тытма, çумкурăксене пĕтерме, хура çĕре çемçетме пулăшать.
– Ĕç çыннисем уяр çанталăкпа туллин усă кураççĕ, техника кĕрлевĕ ир пуçласа каçченех илтĕнет. Районĕпе илсен, ака уйăхĕн 10-мĕшĕ тĕлне çуртрисене 1708 гектар акнă, плана 9,8 процент пурнăçланă, – пĕлтерчĕç район администрацийĕн ял хуçалăхĕпе экологи пайĕнчен. – Пур хуçалăхра та тырра им-çамласа акаççĕ.
Юлашки çулсенче «иккĕмĕш çăкăра» тупăшлă вырнаçтарма кăткăсрах пулин те районта çĕрулми лартакан хуçалăхсем çук мар. Çак вăхăт тĕлне «иккĕмĕш çăкăра» 500 тонна яровизацилеме хунă.
Елена ПОРФИРЬЕВА.
Хура çĕре кондициллĕ тата сортлă вăрлăхсемпе кăна шуратса хăвармалла. Кун пирки «Вăрлăх çинчен» федераци саккунĕнче те каланă. Аграрисем мĕнле вăрлăхпа акнине Раççей ял хуçалăх асăрхавĕн специалисчĕсем сăнасах тăраççĕ, енчен те асăннă саккуна пăссан явап тыттарма пултараççĕ.
Вăрнар районĕнче вăрлăх ĕрчетессипе тимлекен виçĕ хуçалăх – Карл Маркс ячĕллĕ кооператив, «Санары» тата «Агрохмель» агрофирмăсем. Раççей ял хуçалăх центрĕн районти уйрăмĕн пуçлăхĕ Вячеслав Алексеев çак кунсенче «Агрохмель» хуçалăхра пулчĕ, сутма уйăрса хунă урпана тĕрлĕ михĕсенчен кирлĕ чухлĕ тĕрĕслеме илчĕ.
– Тырри лайăх, çапах та пĕтĕмлетÿ тĕрĕсленĕ хыççăн тăвăпăр, – терĕ Вячеслав Николаевич. – Тасалăхĕ, шăтаслăхĕ мĕнле шайрине палăртнă хыççăн эрнерен ятарлă документ çырса паратпăр.
Агрофирмăн пĕлтĕр кĕркунне Отиккăвăра хута янă капмар кĕлетĕнче тырă аламалли агрегат вырнаçтарнă. Техника хатĕрĕ пĕр тикĕс ĕçлет. Сарă ылтăнĕ кĕлет тулли. Хуçалăхра тăрăшакансем – Светлана Васильева, Анастасия Якушина, Андрей Иванов – хăйсен тивĕçне тÿрĕ кăмăлпа пурнăçлаççĕ. Вĕсем вăр-вар пулнăран «Владимир» сортлă урпа тасалса тухнă хыççăн михĕсене хăвăртах тулса пырать. Тырă элита сортли. Ку кĕлетре урпа 200 тоннăна яхăн. Калас пулать, тепĕр кĕлетре «Экада 109» çурхи тулă упранать.
Андрей Иванов çак кунсенче кăна агрофирмăра ĕçлеме пуçланă. Коллектив çамрăка тÿрех килĕшнĕ.
– Агрофирма ертÿçи Борис Николаевич Семенов яваплă пулни тÿрех курăнать. Кунта ĕç условийĕсем лайăх. Акă, ĕç çыннисене канмалли пÿлĕм те пур. Тата ĕçе çуран çÿреместĕн. Ятарласа транспортпа пырса илеççĕ, – терĕ çамрăк кăмăллăн.
Хальхи вăхăтра хресчен ĕçне хисеплени аванах палăрать: тырăшăн тивĕçлĕ хак тÿлеççĕ. Уй-хир ылтăнĕ лайăх сутăнать. Кĕлетсем пушансах пыраççĕ. Кăçал «Агрохмель» хуçалăхăн тыррине Архангельск облаçĕнчи, Мари Эл Республикинчи тата Елчĕк, Тăвай, Куславкка районĕсенчи аграрисем хапăлласах туяннă.
Агрофирма патентпа сыхлакан сортсене туянса ĕрчетет, сортсем кăларакансемпе (авторсемпе) лицензи килĕшĕвĕ тăвать. Унта вăрлăха миçе çул çитĕнтерме палăртнине тата тупăша кура патент илнĕ сорт «хуçине» мĕн чухлĕ тÿлемеллине çирĕплетеççĕ.
Тырă алассипе пĕтĕмпе тăватă звено ĕçлет. Паянхи кун хуçалăхра çĕрулми суйлассипе те тăрăшаççĕ. 10–12 çын куллен ĕçе тухать. «Иккĕмĕш çăкăра» туянма Волгоградран та, Хусантан та килеççĕ. Вăрнарсен пахалăхлă çĕрулмине украинецсем те кăмăллаççĕ иккен.
– Ял хуçалăх продукцине чикĕ леш енчи çĕршывсене малалла та сутма тăрăшăпăр, – терĕ агрофирма ертÿçи Борис Семенов.
Суту-илĕве ертсе пырас ĕçе Борис Николаевичăн ывăлĕсем пурнăçлаççĕ. Палăртмалла, çĕр ĕçченĕ мăшăрĕпе пĕрле тăватă ывăл çуратса çитĕнтернĕ. Хăшпĕрисем ашшĕн çулне суйласа илнĕ. Семеновсем «аçу-аннÿн ани-çаранне нихăçан ман» тенине пĕчĕкренех ăша хывнă.
Елена ПОРФИРЬЕВА.
Май 2025 |