Çынсем йышлă пухăнакан вырăнсене сирпĕтме хатĕрленни çинчен суя шăнкăравсен «хумĕ» республикăна каллех çитнĕ.

Полици тата Росгварди сотрудникĕсен тунтикун тĕп хулари 12 объектран çынсен эвакуацине тата тĕрĕслевсем ирттерме тивнĕ-мĕн, ытларахăшне – пысăк суту-илÿ центрĕсенче.

«Сирпĕнме пултаракан, çынсемшĕн хăрушлăх кăларакан хатĕрсем тупăнман. Йĕрке хуралçисем телефон «террорисчĕсене» палăртассипе тимлеççĕ», – пĕлтерет Шалти ĕçсен республикăри министерстви.

Çакăн пек суя пĕлтерÿсем Шупашкарта унччен апрелĕн 12–14-мĕшĕсенче те пулнă. Бомба хунă тесе хыпарланипе ун чухне 18 учреждение тĕрĕсленĕ.

Ирина ПЕТРОВА.