Июнĕн 22-мĕшĕнче Чăваш Республики Пĕтĕм Раççейри «Пĕр ывăç Астăвăм» çарпа патриотизм акцине хутшăнать.

Ун йĕркипе Тăван çĕршывăн Аслă вăрçи вăхăтĕнче вилнĕ салтаксен вилтăприйĕ çинчи çĕре илсе ятарлă контейнерсене – «салтак енчĕкне» – хураççĕ. Хыççăн çĕре артиллери снарячĕн гильзине тултарса Раççей Хĕçпăшаллă Вăйсен Тĕп храмĕн историпе мемориал комплексне вырнаçтараççĕ.

Акци Раççейĕн мĕнпур субъектĕнче иртет. Çавăн пекех – пирĕн республикăра та. Шупашкарта мероприяти 12 сехетре Б.Хмельницкий урамĕнчи тăванлăх масарĕнче пулать.

Çакнашкал мероприятие республикăри вунтăватă муниципаллă пĕрлĕхре те ирттерме палăртнă. Вăрнар районĕнче вăл паян пулать.

Светлана ЧИКМЯКОВА.