Налук пĕлĕвĕн урокĕсене ирттересси йăлана кĕнĕ. Юнкун районти налук инспекцийĕн пуçлăхĕ Лариса Доронина Вăрнарти 2-мĕш шкулта пулнă.

Налуксен обществăри вырăнĕ, ĕлĕкхи вăхăтра налук хунин историлле факчĕсем, паянхи çĕршыври налук системи... – налуксемпе çыхăннă çак тата ытти пулăмсемпе Лариса Германовна вĕренекенсене хытах тыткăнланă.

Ачасем федераллă налук службин электронлă сервисĕсемпе, видеоуроксемпе кăсăкланса паллашнă. Тимлĕ итлени вĕсене тест ыйтăвĕсене те тĕрĕс хуравлама май панă.

«Килти ĕç» те илнĕ ачасем – ашшĕ-амăшне пурлăх налукне тÿлемелли вăхăт вĕçленсе пынине аса илтересси.

Светлана ЧИКМЯКОВА.