Пирĕн республика 2020 çултан социаллă контракта тĕпе хурса пулăшу паракан пилотлă проекта пурнăçлакан регионсен шутне кĕрет.

Раççей Ĕçлев министерстви Чăваш ен Пуçлăхĕн Михаил Игнатьевăн пуçарăвне ырласа сахал тупăшлă граждансене пулăшма хушма 350 млн ытла тенкĕ уйăрать. Ку категорие инвалид ачасем çитĕнтерекен, 18 çула çитмен инвалидноç пур ачасем ÿстерекен ашшĕ те, амăшĕ те ниçта та ĕçлемен çемьесем, çавăн пекех пĕччен пурăнакан инвалидсемпе ачисем çук мăшăрсем кĕреççĕ. Ку укçапа сахал тупăшлисем ĕç шырама е ĕçе вырнаçма, професси пĕлĕвне е хушма специальноç илнĕ вăхăтра стипенди вырăнне тÿлев илме усă кураççĕ. Çавăн пекех харпăр хăй ĕçне уçас текенсем пĕр хутчен 250 пин тенке тивĕçеççĕ.