Калининăри шкул-интернатра ачасене сывă пурнăç йĕркине хăнăхтарассипе пысăк ĕçсем пурнăçлаççĕ.
Ку вĕрентÿ учрежденийĕнче массăллă спорт ăмăртăвĕсем тăтăш иртеççĕ кăна мар, вĕренекенсем республика шайĕнче те час-часах пиçĕхеççĕ.
Иртнĕ эрнере вĕсем Шупашкарта Пĕтĕм тĕнчери инвалидсен кунĕ умĕн йĕркеленĕ республикăри спорт фестивалĕнче хастарлăх кăтартнă. Программăна спортăн ултă тĕсне кĕртнĕ: шашка, шахмат, джакколо, дартс, сĕтел çи теннис, çăмăл атлетика.
Калининăри шкул-интернатра вĕренекенсен çитĕнĕвĕ пысăк. Вероника Семенова çăмăл атлетика енĕпе 1-мĕш вырăн йышăннă. Дартс енĕпе Анвар Бакешко ылтăн, Надежда Платонова кĕмĕл медаль çĕнсе илнĕ. Пĕтĕмĕшле зачетра шкул-интернат команди 2-мĕш вырăн йышăннă.
