«Пĕчĕк тата вăтам предпринимательлĕх, уйрăм предпринимательлĕх пуçарăвĕсене пулăшасси» наци проекчĕн мероприятийĕсен йĕркипе районти предпринимательсем валли «Бизнесри юридици хăрушлăхĕсем» тÿлевсĕр семинар йĕркеленĕ.

Консультаци пулăшăвне кÿрекенсем – Мускаври «Синергия» финанспа промышленность университечĕн тата «Манăн бизнес» центр специалисчĕсем. Семинарта тĕрлĕрен ыйтусене хускатнă: штрафсене асăрхаттарасси, парăмсемпе тăкаксене шыраса илесси тата ытти пирки. Унсăр пуçне асăрхав органĕсен тĕрĕслевĕсем тата яваплăх пирки те калаçнă, саккуна пăснă анлă тĕл пулакан тĕслĕхсене те тĕплĕн тишкернĕ.