Чăваш енре «Ачасен çулсем çинчи хăрушсăрлăхĕ» Пĕтĕм Раççейри акци старт илнĕ.

Çул-йĕр правилисен пĕлĕвне ÿстерес тĕллевлĕ интернет-акци çитес çулхи мартăн 30-мĕшĕччен иртет. Конкурса хутшăнма регистраци тÿлевсĕр, кăмăл тăвакансен БезАварий.РФ сайтра уйрăм кабинет уçмалла. Шкул ачисене вĕрентекен е ашшĕ-амăшĕ регистрацилеме пултарать. Çапла вĕсен хăйсен ĕçĕсене уйрăм кабинетра вырнаçтарма тата редакцилеме май пур. Проект йĕркипе кирек мĕн чухлĕ материал вырнаçтарма юрать.

Сайтра кунсеренех «Çул-йĕр паллисем», «Çул-йĕр правилисем», «ПДД билечĕсем» евĕр рубрикăсенче вĕрентÿллĕ материалсем кăлараççĕ. Конкурса хутшăнакансен вĕсемпе паллашмалла тата заданисене пурнăçламалла: сăмахран, сăвă шăрçаламалла, акци эмблемин е паллин дизайнне сĕнмелле, хăрушсăрлăх темипе пĕр-пĕр сăнÿкерчĕк тумалла т.ыт.те.

Заданисене пурнăçланăшăн уйрăм кабинетра конкурсанта балсем хушса параççĕ, çĕнтерÿçе чи хастаррисем хушшинче палăртĕç. Акцие çитес çулхи апрельте пĕтĕмлетеççĕ.

Ирина ЯКОВЛЕВА.