Вăрнарти историпе краеведени музейĕнче ал ĕçĕсен мастер-класĕсем ирттересси йăлана кĕнĕ ĕнтĕ.

Тĕрĕссипе, харпăр хăй аллипе ăсталанă япаларан ырри, пахи мĕн пултăр? Юнкун, акă, музей директорĕ Елена Шарипова кăмăл тăвакансене Çĕнĕ çул символне хатĕрлес ĕçе пухрĕ. Çавра сĕтел хушшинче вĕсем тем самантра çăраççисем хумалли «шăшие» çĕлерĕç те. Хĕрарăмсем ал ĕçĕ хăйсене тыткăнланине, кăмăлĕсене çĕкленине пытармарĕç. Вĕсем çитес эрнере, декабрĕн 20-мĕшĕнче, «енчĕк-шăши» ăсталас мастер-класа та хутшăнасшăн.

Светлана ЧИКМЯКОВА.