Пăртасран ку поселени территорийĕнчи хăйăр карьерĕпе çыхăннă ыйтусемпе çыру килнĕччĕ.

Ăна район администрацине тĕрĕслеме янăччĕ. Унтан ку çырăва Россельхознадзорăн Чăваш Республикинчи тата Ульяновск облаçĕнчи управленине тăратнă.

Анчахрах Управленирен хаçат редакцине çакăн пек хурав килчĕ: «Çыру тăрăх Управлени специалисчĕ рейд тĕрĕслевĕ, тĕпчев ирттернĕ. Вĕсен результачĕсем тăрăх Вăрнар район администрацине, Пăртас ял поселенийĕн администрацине çĕр законодательствине пăсма юраманни пирки асăрхаттарусем тăратнă. Çавăн пекех Раççей Шалти ĕçсен министерствин районсем хушшинчи «Вурнарский» пайне ял хуçалăх пĕлтерĕшлĕ çĕр лаптăкĕнче административлă право йĕркине пăснă çынна тупса палăртма следстви мероприятийĕсем ирттерме рейд тĕрĕслевĕн материалĕсене ярса панă.

Н.В.РОМАНОВ,

Управлени ертÿçин тивĕçĕсене вăхăтлăха пурнăçлаканĕ».