Право йĕркине пăсассине асăрхаттарассипе тимлекен районти комиссин че-ретлĕ ларăвĕнче тĕп ыйтура поселенисенчи профилактика кана-шĕсен кăçалхи ĕç-хĕлне пĕтĕмлетесси пулнă.

Çавăн пекех çитес çулта пурнăçа кĕртмелли тĕп тĕллевсене те палăртнă. Ялсенче йĕркелĕхе тивĕçтерессине профилактика канашĕсем мĕнле тÿпе хывнине Пăртас тата Упнер ял поселенийĕсен пуçлăхĕсем хăйсен тĕслĕхĕсемпе çирĕплетсе паллаштарнă.

Комисси членĕсем поселенисен пуçлăхĕсене тĕрĕслевсем вăхăтĕнче тупăннă çитменлĕхсене пĕтерме, вырăнти преступноç шайне тишкерсе çитес çулхи ĕç-хĕле витĕмлĕрех йĕркелеме сĕннĕ.

Каласа хăвармалла, социаллă адаптаци кирлĕ ушкăнри çынсене ĕç вырăнĕсемпе тивĕçтерме районта ведомствăсем хушшинчи ятарлă комисси туса хунă. Вăл кăçал виçĕ хутчен ларăва пухăннă, колонисенчен тухнă 37 çынпа консультациллĕ калаçусем ирттернĕ. Комисси саккуна пăсас туртăмлă, судпа айăпланнă граждансене обществăра хăйсен вырăнне тупма, тÿрленме пулăшас тесе тĕллевлĕ ĕçлет. Çак ушкăнри çынсем хушшинче сарма район администрацийĕ профилактика памяткисем те хатĕрленĕ.