Шалти ĕçсен министерствин «Вурнарский» пайĕ пĕлтерет: Çĕнĕ çул тата Раштав уявĕсен тапхăрĕнче инкексене, киревсĕр ĕçсене асăрхаттарас тĕллевпе çитес çулхи январĕн 8-мĕшĕччен районта «Пиротехника» оперативлă профилактика мероприятийĕ иртет.

Ун майĕпе тĕрĕслевсем пулĕç. Аса илтеретпĕр: пиротехника изделийĕсене продукцин сыхлăхне тивĕçтерекен (хĕвел, юр-çумăр тÿррĕн лекмен) лавккасенче, павильонсемпе киосксенче кăна сутма юрать. Икĕ е ытларах хутлă çуртсенче вырнаçнă лавккасенче вара пиротехника пайĕсем çÿлти хутра вырнаçмалла. Ку пайсем е секцисем эвакуаци çулĕсем çумĕнче пулмалла мар.

Пиротехника изделийĕсене пурăнмалли çуртсенчи, мĕнпур вокзалсен çурчĕсенчи, чукун çул станцийĕсенчи платформăсенчи, метрополитен станцийĕсен вестибюлĕсенчи, çул урлă каçмалли вырăнсенчи лавккасенче; транспорт хатĕрĕсенчен тата пушар тĕлĕшĕнчен хăрушă производство объекчĕсен территорийĕсенче сутма чарнă. Идентификаци паллисем çук (çухалнă), усă курмалли вăхăчĕ тухнă, эксплуатаци инструкцийĕсĕр, сертификатсăр продукцие те сутуран кăлармалла. Çавăн пекех 16 çула çитменнисен ку тавара сутма ирĕк çук.

Пиротехника изделийĕсемпе çак вырăнсенче усă курма юрамасть:

пÿлĕмсенче, çуртсемпе тĕрлĕрен сооруженисенче;

сирпĕнме пултаракан тата пушар тĕлĕшĕнчен хăрушă объектсенче, чукун çул, нефтепроводсем, газопроводсем тата пысăк вольтлă электролинисем çумĕнчи тăрăхсенче;

çуртсемпе сооруженисен тăррисем, балконсемпе лоджисем, çуртăн тухса тăракан пайĕсем çинче;

сценăсем çинче, стадионсенче е ытти спорт сооруженийĕсенче;

митингсем, демонстрацисем, шествисемпе пикетсем вăхăтĕнче;

Раççей халăхĕн культура еткерĕн уйрăм пĕлтерĕшлĕ объекчĕсен, культурăпа истори палăкĕсен, заповедниксен, заказниксемпе наци паркĕсен территорийĕсенче.

Пиротехника изделийĕсене саккуна пăсса сутнă тĕслĕхсемшĕн административлă йĕркепе явап тыттараççĕ.

Светлана МАРТЫНОВА,

административлă саккунсене пурнăçланине асăрхассипе

тимлекен инспектор полици аслă лейтенанчĕ.