Чăваш ен Пуçлăхĕ Михаил Игнатьев творчествăри ăнтăлушăн пĕр пин çамрăка ятарлă стипендисем уйăрасси çинчен калакан хушăва алă пуснă.

Ăна тивĕçекенсем – вĕренÿре, тĕпчев, наука ĕçĕнче, творчествăра, производствăра, ертсе пырас ĕçре, спортра, обществăлла ĕç-хĕлре тата бизнес-проектированире пысăк кăтартусемпе палăракан 14–30 çулсенчи çамрăксем. Уйăхсерен тивĕçекен стипенди виçи – 1830 тенкĕ.

Вăрнарсем те ку йыша кĕнĕ. Кăçалхи стипендиатсем – полицин районсем хушшинчи «Вурнарский» пайĕн экономика хăрушсăрлăхĕ енĕпе тата коррупцие хирĕç ĕçлекен уйрăмĕн оперуполномоченнăйĕ Петр Квасов, полицин Элĕк районĕпе тимлекен оперативлă дежурнăй помощникĕ Сергей Прокопьев, Вăрнарти 1-мĕш вăтам шкулта вĕренекен Никита Маслов, Вăрнарти 2-мĕш вăтам шкулта вĕренекен Ярослав Митрофанов.