Вăрнарти ял хуçалăх техникумĕн студенчĕсем республикăри конкурсра палăрнă.

Ирина Порфирьевапа Анастасия Барская истори преподавателĕ Олег Михайлович Григорьев ертсе пынипе проектпа тĕпчев ĕçĕсен конкурсне хутшăннă. «Истори палăкĕсенче – чăваш халăх историйĕ» направленипе студентсем тăван тавралăха тĕпчес ĕçĕпе призерсен йышне кĕнĕ. Финал Чăваш Республикин вĕрентÿ институтĕнче иртнĕ.

Призерсене Чăваш ен Вĕрентÿ министерствин дипломĕсемпе чысланă.

Иккĕмĕш курс студенчĕсен Мирон Музяковпа Никита Петровăн тĕпчев ĕçĕ те сумлă: ăнаПольша Геройне, вырăс-поляксен партизансен отрячĕн разведгруппин командирне Жорж Илюкина халалланă. Наука ертÿçипе Олег Михайловичпа студентсем архивсене, периодика изданийĕсене чылай тĕпченĕ. Ку ĕçре вĕсене Вăрнарти историпе краеведени музейĕн директорĕ Елена Шарипова та пулăшнă.

Светлана ЧИКМЯКОВА.