Район администрацийĕнче Чăваш енри адвокатсен «Юркон» коллегийĕн адвокачĕ А.Малофеев хутшăннипе куç курманнисен районти об-ществин ларăвĕ иртнĕ.

Унта куç курманнисен республикăри пĕрлешĕвĕн председателĕ Ю.Сергеев, пресс-секретарĕ – социокультура реабилитацийĕн тата спорт ĕçĕн специалисчĕ О.Гавриленко та хутшăннă. Тĕлпулăва Раççей Президенчĕн грантне тивĕçнĕ «Чăваш Республикинчи куç курман инвалидсене право пулăшăвĕ парасси» социаллă проект йĕркипе пуçтарнă. Пухăннисемшĕн юридици информацийĕ усăллă пулнă. Унта куç курманнисен прависене хÿтĕлес ыйтăва пысăк тимлĕх уйăрнă. А.Малофеев адвокат ыйтусене тивĕçлĕн уçăмлатнă.

Куç курманнисен республикăри пĕрлешĕвĕн ертÿçи Ю.Сергеев районти общество председательне Галина Мясникована грантпа тивĕçнĕ юридици литературине парнеленĕ. Çавăн пекех вырăнти уйрăм Брайль çырăвĕн приборĕпе грифельне, рельефлă-точкăллă шрифтпа çырмалли хутсене тивĕçнĕ.

Хамăр инф.