Чăваш халăхĕ авалтанах хăйĕн мухтавлă тĕрĕçисемпе палăрнă.

Вăрнарти историпе краеведени музейĕнче «Кĕскĕ эрешĕсен илемĕ» курав уçăлнă. Унта Чăваш тĕррин музейĕн наукăн аслă сотрудникĕ Наталья Захарова-Кульева 15 ĕç тăратнă.

Ăстаçă музей экспоначĕсем тăрăх чăвашсен кăкăр çине çакмалли кĕскĕн тĕррине «чĕртсе тăратнă». Вăл ĕлĕкхи пекех тĕрĕ куçĕн техникине сыхласа хăварма пултарнă. Ку ĕç çăмăл мар – пĕр йăнăш куç пĕтĕм тĕрре пăсма пултарать.

Алăстисем чăвашсен 30 ытла çĕввипе тата вĕсен 40 ытла тĕсĕпе усă кураççĕ. Малтанах тĕрре çыннăн обществăри вырăнне, вăл мĕнле йăхран пулнине палăртакан символ пек усă курнă. Вăлах çынна усал-тĕселрен те сыхланă тесе шутланă.

Чăваш наци музейĕ тĕрĕсен асамлă тĕнчине уçать. Курав мартăн 15-мĕшĕччен ĕçлет.