Президент палăртнă «Россия – страна возможностей» проект йĕркипе иртекен «Пуласлăх учителĕ» професси конкурсĕн 1200 çурма финалистне палăртнă.

Дистанцилле тестировани тапхăрĕ январĕн 21–31-мĕшĕсенче иртнĕ. Регионти çурмафиналсем февралĕн 14-мĕшĕнчен тытăнса мартăн 22-мĕшĕччен Раççейри сакăр хулара иртеççĕ.

Атăл тăрăхĕнчи округри командăсен куçăмлă çурмафиналĕ мартăн 6–8-мĕшĕсенче Уфара пулать. Унта 50 шкул команди тупăшать. Палăртма кăмăллă: Чăваш ен чысне хÿтĕлекен пилĕк шкул хушшинче Вăрнарти 2-мĕш вăтам шкул та пур. Учительсен командинче – Алина Васильевна Григорьева, Наташа Михайловна Никитина тата Людмила Ивановна Орлова. Ыттисем – Сĕнтĕрвăрринчи 1-мĕш гимнази, Елчĕк районĕнчи Курнавăшри, Шупашкарти 24-мĕш тата Çĕнĕ Шупашкарти 17-мĕш шкулсем.