Росреестрăн республикăри управленине çакăн пек ыйту килнĕ: «Кăçал 45 тултаратăп. Паспорта улăштарнă чухне хĕр чухнехи хушамата тавăрасшăн. Даннăйсем улшăнни пирки Росреестра пĕлтермелле-и?». Росреестрăн Чăваш енри управленийĕнчен ăнлантарнă тăрăх, уйрăм çыннăн даннăйĕсене, вăл шутра хушамат пирки те, пĕлтересси тивĕç мар, харпăр хăй ирĕкĕ. Ку процедура заявлени характерĕллĕ.

«Анчах та малашлăхра харпăрлăхри куçман пурлăхпа мĕнле те пулин ĕç тăвас – сутас, парнелес, еткерлĕхе хăварас, салука парас е ЕГРНран выписка илес – тесен даннăйсен базине улшăнусем кĕртмеллех. Çавăнпа та çыннăн хăйĕн шутламалла – регистраци органне хушамата улăштарнине пĕлтермелле-и е çук», – ăнлантараççĕ Управленирен.

Енчен те хушамата улăштарни пирки ЕГРНа улшăнусем кĕртесех тесен МФЦна кайса заявлени çырмалла.