Ярмушка хастарĕ Надежда Лаврентьева хăвăрт утассипе Раççей чемпионатне хутшăнассине пĕлтернĕччĕ.
Ветерансем хушшинчи çак ăмăрту канмалли кунсенче Пензăра пулнă. Спортсменсем икĕ кун тупăшнă. Пирĕн ентеш 3 километра виççĕмĕш вĕçленĕ. 5 километра иккĕмĕш результатпа утса тухнă.
– Пÿлĕмре утнă ăмăрту уçă сывлăшринчен уйрăлса тăрать. Çавăнпа та çĕнтерÿшĕн вăя ытларах та хывма тиврĕ, – терĕ Надежда Алексеевна.
Медальсемшĕн спортсменка тренировкăсенче те вăйлă пиçĕхет. Ирсерен тата каçсерен кашни кун 6–8 км утать.
Ноябрь 2024 |
