Кăçал çурхи ĕçсем районта та хăвăрт тытăннă.

Вăрнарти аш-какай комбиначĕн хушма хуçалăхĕнче, «Санары» агрофирмăра, «Мураты», Карл Маркс ячĕллĕ, «Знамя» кооперативсенче, Валентин Павлов фермер хуçалăхĕнче çуракине тухнă. Планпа килĕшÿллĕн кăçал хура çĕре 17505 гектар шуратса хăвармалла. Кĕр тыррисен лаптăкĕ – 5076 гектар. Ака уйăхĕн 7-мĕшĕ тĕлне пĕрчĕллĕ культурăсене 400 гектар ытла акнă.

Юр маларах ирĕлсе пĕтнине кура çĕр хăвăрт типет. Çурхи кун çулталăк тăрантарать, теççĕ. Ака-суха ĕçĕсене кĕске вăхăтра тата пахалăхлă туса ирттерес тĕлĕшпе районта штаб йĕркеленĕ.