Вăрнар район прокуратури тĕрĕслевсем ирттернĕ май вĕрентÿ учрежденийĕсен ĕç-хĕлĕнче хăшпĕр çитменлĕхсене тупнă.

Вĕсем учрежденипе çула çитмен вĕренекенсен саккунлă представителĕсем хушшинчи вĕрентÿ хутшăнăвĕсене пăрахăçлас ыйтусемпе çыхăннă. Уйрăммăн илсен, тĕрĕслев вăхăтĕнче палăртнă тăрăх, пĕтĕмĕшле пĕлÿ паракан 8 организацин вĕренекенсене вĕренÿрен хăтармалли йĕрке çинчен калакан Положенийĕсем «Раççей Федерацийĕнчи вĕрентÿ çинчен» федераллă саккун требованийĕсене тивĕçтермеççĕ. Саккунта çырнă тăрăх, çула çитменнисене пĕлÿ илнĕ (вĕренÿ вĕçленнĕ) пирки тата саккунăн 61-мĕш статйин 2-мĕш пайĕнче çирĕплетнĕ сăлтавсене пула вăхăт çитиччен маларах вĕренÿрен хăтарсан вĕрентÿ хутшăнăвĕсем пăрахăçланаççĕ.

Çак çитменлĕхсене кура район прокуратури пĕтĕмĕшле пĕлÿ паракан организацисен вырăнти 8 актне хирĕçленĕ. Вĕсене пăхса тухнă хыççăн хирĕçлевсене тивĕçтернĕ, актсене саккун требованийĕсемпе килĕшÿллĕн хатĕрленĕ.

Вăрнар район прокуратури.