Упнер ялĕнчи çамрăк волонтерсем – Игорь Арбузов, Дима Козлов, Анатолий Афанасьев, Дима Смирнов тата ыттисем те – Тăван çĕршывăн Аслă вăрçинче çĕнтернĕренпе 75 çул çитнине халалланă мероприятисене хăйсен тÿпине хыврĕç. Хастар яшсем ялти хурăнлăх лаптăкĕнче вырнаçтарнă баннера юсаса йĕркене кĕртрĕç. Çакăнпа пĕрлех хăрнă йывăçсем вырăнне çĕнĕрен хырсем лартса хăварчĕç. Хунавсемпе Вăрнарти вăрман хуçалăхĕ тивĕçтернĕ.

Упнер ял поселенийĕн администрацийĕ йывăçсене вандалсенчен асăрхасса, хÿтĕлессе шанас килет.

Вениамин СМИРНОВ.