Çак вăхăта илсен районта тĕштырăпа пăрçа йышши культурăсене 16463 гектар çулнă тата çапса тĕшĕленĕ, плана 91 процент пурнăçланă. Вăтам тухăç – 31,9 центнер.

«Мураты» кооперативра тырпула пухса кĕртнĕ хыççăн çĕрулми кăларма тухнă. «Иккĕмĕш çăкăр» пуссинче 4 техника ĕçлет. Çавăн пекех Александр Аврамов фермер хуçалăхĕнче те çĕрулми кăлараççĕ.

Кĕр аки ирттерме 5127 гектар çĕр хатĕрленĕ, хура çĕре 4595 гектар шуратнă.

«Агрохмель» хуçалăхра хăмла пухассипе тăрăшаççĕ. Хальлĕхе ĕçе 2 гектар пурнăçланă. Хăмла плантацийĕн пĕтĕмĕшле лаптăкĕ – 24 гектар. «Симĕс ылтăн» пахчинче иртен пуçласа каçчен тимлеççĕ.

Елена ТОЛСТОВА.