Çĕршывра вĕренмен, ниçта та ĕçлемен тата професси вăрттăнлăхĕсене алла илмен çамрăксем сахалланса пыраççĕ.

Енчен те 2010 çулта çавнашкаллисем 15–24 çулхи хĕрсемпе каччăсен пĕтĕм йышĕнчен 13,8 процент шутланнă пулсан, 2019 çул тĕлне вăл 10,6 процент таран чакнă.

Халĕ çамрăксем цифра мелĕсемпе анлă усă кураççĕ – онлайн сервиссемпе, çав шутра Патшалăх тивĕçтерĕвĕсен пĕрлехи порталĕпе те. Халăхсем хушшинчи консалтинг компанин пĕтĕмлетĕвĕсем тăрăх, Раççей патшалăх пулăшăвĕсене цифра мелĕпе парас тĕлĕшпе тĕнчере виççĕмĕш вырăн йышăннă, вĕсемпе анлă усă куракан топ-10 çĕршывсен шутне кĕнĕ.

«Октябрьте пуçланакан Пĕтĕм Раççейри халăх çыравĕ – çĕршыв историйĕнче цифра технологийĕсемпе усă курса иртекен пĕрремĕш пысăк мероприяти. Паллах, çавна пула çамрăксемшĕн питĕ илĕртÿллĕ, – палăртнă регионсен проблемисен институчĕн генеральнăй директорĕ Дмитрий Журавлев. – Шăпах çыравра кашни ялпа поселокра, хулара миçе çын пурăннине пĕлетпĕр. Ку вара социаллă пулăшусем пама укçа-тенкĕ çителĕклĕ уйăрма май парать».

ЧĂВАШСТАТ.