Пресса спорчĕн фестивалĕ район спортсменĕсемшĕн кăçал та ăнăçлă иртнĕ

«Советская Чувашия» хаçат йĕркелекен ăмăрту кăçал старта 83-мĕш хут йыхравланă. Унта 100 ытла команда вăй виçнĕ. Вăл шутра – вăрнарсем те.

Пирĕн районăн сывă пурнăç йĕркин тусĕсене те ăнăçнă. Калининăри шкул-интернат команди, акă, хăйĕн ушкăнĕнче кăçал та чи çивĕччи пулнă, Кубока тивĕçнĕ.

Вырăнти хăйтытăмлăх органĕсен ушкăнĕнче муниципалитет команди те маттур пулнă% район администрацийĕн йĕркелÿпе тĕрĕслев ĕçĕн секторĕн тĕп специалист-эксперчĕ Светлана Егорова, çула çитменнисемпе ĕçлекен сектор ертÿçи Мария Кроткова, Ярмушка, Малти Ишек тата Упнер ял поселенийĕсен пуçлăхĕсем Андрей Яковлев, Игорь Иванов тата Геннадий Арбузов эстафетăра 2-мĕш вырăн йышăннă.

Спорт фестивальне çавăн пекех Вăрнарти ял хуçалăх техникумĕн команди те хутшăннă. Çĕнтерÿ пьедесталĕ çине тăма ăна темиçе çеккунт кăна çитеймен. Эстафетăна студентсем тăваттăмĕш результатпа вĕçленĕ.

Шкул ачисен пĕрлештернĕ команди саккăрмĕш йĕркене йышăннă.

Хамăр инф.