Вăрнар тăрăхĕн спортсменĕсем Николай Созоновпа Владимир Тикинев полиатлон енĕпе Раççей чемпионатĕнче ăнăçлă ăмăртни пирки çырнăччĕ.

Хыççăнах вĕсем ку енĕпе ветерансем хушшинче тĕнче чемпионатне тата первенствине хутшăннă. Владимир Тикинев виçĕ енлĕ кĕрешÿре, вăл шутра йĕлтĕр-роллерсемпе ăмăртассипе те, çĕнтерÿçĕ пулса тăнă. Николай Созонов – 5-мĕш. Командăпа вĕсем 3-мĕш вырăн йышăннă.

Нумаях пулмасть ирĕклĕ кĕрешÿ спортсменĕсем те районăн пĕрлехи çитĕнĕвĕсен енчĕкне хулăмлатнă.

Шупашкар хулин уçă первенствинче Вăрнар спортсменĕсем ултă медале тивĕçнĕ. Санарпуç каччи Александр Васильев хĕрÿ тытăçура ылтăн медаль çĕнсе илнĕ. Ун ентешĕсен Антон Федоровăн – кĕмĕл тата Степан Ивановăн бронза медальсем. Вăрнар каччисем Кирилл Андреевпа Дмитрий Львов 2-мĕш, Никита Львов 3-мĕш вырăнсене йышăннă.