Пандемине пула гражданина инвалид тесе йышăнмашкăн вăхăтлăх йĕрке пурнăçланать.

Инвалидлăха çирĕплетнĕ-тĕк, ăна 2022 çулхи пуш уйăхĕн 1-мĕшĕчченех тÿрех малалла тăсĕç. Çыннăн хăйĕн çÿремелле мар. Инвалидлăха тăснă чухне гражданина е унăн представительне заявлени çырма ыйтмаççĕ.

Инвалидсен федераци реестрне сведенисем çитсен Пенси фончĕ пенси çирĕплетет. Асилтеретпĕр, 2020 çултанпа инвалидсем тата ача-инвалидсем валли заявлени çырмасăрах уйăхсеренхи социаллă тÿлев çирĕплетеççĕ. Инвалидсен федераци реестрĕнчен Пенси фондне хыпар тăратнипе инвалид статусне палăртсан пособипе тивĕçтереççĕ.

Пенси фончĕн районти уйрăмĕн пресс-служби.