Юлашки 5 çулта республикăра пурăнакансем пуçарнипе 5218 проект пурнăçланă.

Вĕсен пĕтĕмĕшле сумми – 5 млрд та 800 млн тенкĕ.

2025 çул валли 1555 проект суйлав витĕр тухнă.

2030 çулчченхи Комплекслă программăра 3 пин ытла проекта пурнăçлама палăртнă.

Вĕсенчен 2400 – инфраструктура, 600 ытла – инвестици проекчĕсем. Пысăк компанисен проекчĕсене те шута илнĕ.

Кăçал республикăри адреслă инвестици программипе килĕшÿллĕн 170 ытла инвестици проекчĕ пурнăçланать.

Олег Николаев Цифра министерствипе Ĕçлев министерствине кăçал «Çемье навигаторĕ» пĕрлехи информаци лапамне хатĕрлес ĕçе вĕçлеме ыйтрĕ.

Ĕçлев министерствин 2030 çулччен муниципалитетсенче çемьесен нумай функциллĕ центрĕсене йĕркелемелле. Çавăн валли палăртнă вăхăт тĕлне пÿлĕмсем хатĕрлемелле.

2025 çултан Чăваш енре «Çемье» наци проекчĕ ĕçлеме пуçлать, вăл ачаллă çемьесене пулăшмалли мерăсемпе савăнтарĕ.

Çывăх 3 çулта республикăра хĕрарăмсен 9 консультацине хатĕрлемелле.

Республикăри перинаталь центрне тата Шупашкарти 1-мĕш клиника больницине çĕнетмелле. Тин çуралнă ачасене кирлĕ япаласемпе тивĕçтермелли пунктсем уçмалла. Студент çемйисене тата наука ĕçченĕсен çемйисене пулăшмашкăн хушма мерăсем йышăнмалла.

Агропромышленноç комплексĕн кăтартăвĕсем савăнтараççĕ. Тыр-пул тухăçлăхĕ юлашки 5 çулта, унчченхи 5 çулпа танлаштарсан, 22: чухлĕ ÿснĕ, пахчаçимĕç – 18:, хăмла – 4:, сĕт суса илесси – 32:.

Федерацин Атăлçи тăрăхĕнче Чăваш Республики çĕрулми тата хăмла хатĕрлессипе – 1-мĕш вырăнта, пахчаçимĕç тата сĕт хатĕрлессипе – 2-мĕш, тыр-пул енĕпе – 3, аш-какай хатĕрлессипе - 4-мĕш, 100 гектартан продукци туса илессипе пĕтĕмĕшле вара 3-мĕш вырăнта.

Иртнĕ 5 çулта республикăра инфраструктурăн 384 объектне тунă тата юсаса çĕнетнĕ, 515 шыв башнине улăштарнă, 3 млн та 700 пин тăваткал метр пурăнмалли вырăн тунă, пурнăçшăн хăрушă çурт-йĕртен 1016 çынна куçарнă, 157 общество хутлăхне хăтлăлатнă, пĕчĕк хуласенче тата историллĕ ял тăрăхĕсенче 12 проект пурнăçланă. Патăрьел, Шăмăршă, Комсомольски муниципалитет округĕсенче шыв пăрăхĕсем хурас ĕç малалла пырать.

Пилĕк çулта 62 км автоçул тунă тата çĕнетнĕ, 2 пин те 400 км ытла çул, 19 кĕпер юсанă.

85 км çул çинче ?ялсем тăрăх иртнĕ çĕрте% çутăпа тивĕçтерекен конструкцисем тунă.

2020-2024 çулсенче йĕркене кĕртнĕ çулсем 44:-ран 50:-а çитнĕ, Шупашкар агломерацийĕнчи çулсен чиккисенче – 65:-ран 85: таран.

Кăçал тата çитес çул М-12 автоçула сарнă чух пăсăлнă çулсене йĕркелес ĕç малалла пырĕ. Паянхи кун тĕлне 227 км çулăн 64 км йĕркене кĕртнĕ. Юлнă 163 км çывăх çулсенче юсама палăртнă.

Республикăра спортпа туслă çынсен йышĕ çулленех ÿссе пынине палăртрĕ Олег Николаев.

2024 çул пĕтĕмлетĕвĕ тăрăх, вĕсен шучĕ 60:-ран сахалрах пулмалла мар. Танлаштарма, 2020 çулта 48,2: пулнă.

Республикăра спорт объекчĕсемпе тивĕçтерес ĕç çÿллĕ шайра пырать. Сывлăх енчен хавшакраххисен те, ятарлă çар операцине хутшăннисен те çак майсемпе усă курма май пулмалла.

Вĕрентÿ сфери Чăваш ен экономикине аталантармалли шанчăклă никĕс пулса тăчĕ. Сăмахран, ача сачĕсенче 130 агролаборатори йĕркеленĕ, ку вара аграри отраслĕ валли пулас кадрсем хатĕрлеме пулăшать.