Çуллахи каникул тата отпусксен тапхăрĕнче парăмсене вăхăтра татни уйрăмах пĕлте-рĕшлĕ. Ют çĕршывра канма ĕмĕтленетĕр пулсан – пушшех те.

Унсăрăн çулталăкĕпе кĕтнĕ канусăр юлма пултаратăр. Çавăнпа та пĕр-пĕр çĕре путевка туянас умĕн хăвăрăн парăм пуррине е çуккине тĕрĕслесен аван.

Суд приставĕсен федераллă службин республикăри управленийĕ аса илтерет: информацие управленин официаллă сайтĕнче «Пурнăçлав ĕçĕсен даннăйĕсен банкĕ» уйрăмĕнче хăвăр тĕллĕн пĕлме пултаратăр.

Хăйсен ячĕсене парăмçăсен списокĕнче тупнă граждансене е учреждени-организацисене тÿлевсене çак мелсемпе татма сĕнетпĕр:

«Пурнăçлав ĕçĕсен даннăйĕсен банкĕ» сервис пулăшнипе Промсвязьбанкăн, КИВИ (комиссисĕр), РОБОКАССА, ОПЛАТАГОСУСЛУГ.РУ, Вэбмани, Яндекс.Деньги электронлă тÿлев системисем урлă;

мобильлĕ хатĕрсен «ФССП» приложенийĕ пулăшнипе электронлă тÿлев системисем урлă;

Сбербанк Онлайн интернет-банкри уйрăм кабинетран (Раççей Сбербанкĕн банк карттисемпе усă куракансем валли);

терминалсемпе банкоматсем урлă;

управленин официаллă сайтĕнчен пичетлесе кăларнă квитанципе банкра тÿлесе;

мобильлĕ терминалпа усă курса суд приставне хăйне тÿлесе.

Халĕ Android, iOS, Windows Phone оперативлă системăсене усă куракан мобильлĕ хатĕрсемпе те парăмсем çинчен информацие илме май пур.

«ФССП» приложени тÿлевсене онлайн-мелпе хывма та пулăшать. Çавăн пекех социаллă сетьсемпе мобильлĕ хатĕрсен приложенийĕнче сведенисене пĕрмаях илсе тăма çырăнма пулать. Капла çĕнĕ парăмсем тупăнни е улшăнусем çинчен çийĕнчех хыпарласа тăраççĕ.

Суд приставĕсен службин районти пайĕ граждансене парăмсене вăхăтра татмаллине асăрхаттарать. Вăрнарти пай адресĕ: Первомайски урамĕ, 18-мĕш çурт.

И.СЕМЕНОВА,

суд приставĕсен службин районти пайĕн пуçлăхĕ.