Хамăр çинчен те

манар мар

Хăвăн çинчен пачах та шутламастăн -

Тараççĕ ачасем сана курсан.

Кушак аçи илем мĕнне туймасăр

Пырать те сăртăнать сан урунтан.

Хулăн çÿçÿ арпашăннă, чăлханнă.

Нивушлĕ вăхăт çук-ши турама/

Куç айĕсем илемсĕррĕн тăртаннă.

Тен, вăхăт çитмест-тĕр, тунката.

Пÿрнÿсене ĕçре эс шăйăрттарнă.

Чăн, чĕр нуша, пĕлмеççĕ юсанма.

Ахлатнипе, вăн, упăшку вăраннă.

Сан ыратни памасть вĕт çывăрма.

Туту сив çил çинче тăртаннă, çуркаланнă.

Пултарĕ-ши ачашшăн чуптума/

Сассу сивве-ăшша пач уямасăр,

Арçын сасси пек, сисетĕп, хулăмланнă.

Пултарăн-ши эс çепĕç сасăпа:

«Сана пит хытă эпĕ юрататăп», -

Тесе упăшкуна çилленнĕ самантра

Лăплантарма, ун кăмăлне уçма/

Эх, ярăттăм сана пĕр уйăхлăх канма.

Эс çÿрĕн пĕр кана салонсене.

Чи хаклă лавккари илемлĕ тумсене

Туянăттăн хăвна килĕшнине.

Арçынсем сана курсан ăмсанĕç,

Ма иртерех авлантăм-ши тесе.

Пăрахса мăшăрĕсене, тен, кайĕç,

Санпа пĕрле ялан пулас тесе/

Кашни ирпе тăвасчĕ маникюр.

Куç харшине теньпе илемлетесчĕ.

Вăрăм çÿçне тирпейлесе хурасчĕ.

Нимрен ытла тăраниччен çыврасчĕ.

Палăрмаллах эс улшăннă сăнран,

Ĕнерхи тусусем сана паллаймĕç.

Çавах-ши ку/ Пĕлес, мĕнле майпа

Вăл улшăнма пултарнă, тупата/