Çанталăк ирпе каç тĕрлĕрен пулнăран ÿсен-тăран çăнăхлă сывлăмпа (вырăсла «мучнистая роса» теççĕ) витĕнме пултарать. Çак чире пула çулçăсем вăхăтсăрах типеççĕ, тухăç илесси чакать.

Ял хуçалăх таварне туса илекенсене акнă лаптăксенче фитосанитари тĕпчевĕ тума сĕнетпĕр. Çăнăхлă сывлăма асăрхасан пĕрчĕллĕ культурăсене гербицидсен хутăшĕпе им-çамламалла. Паллах, РФ территорийĕнче усă курма ирĕк панă пестицидсемпе агрохимикатсене туянмалла. Çавăн пекех хушма хуçалăх тытакансен те тимлĕ пулмалла. Хура хурлăхан, йĕплĕ хурлăхан, чечексем çинче те çăнăхлă сывлăм пулать. Топаз, КЭ препаратсем чирпе кĕрешме пулăшаççĕ.

Ÿсен-тăрансене им-çамланă чухне харпăр хăй гигиенине, хăрушсăрлăх техникине пăхăнмалла.

Раççей ял хуçалăх центрĕнче ĕçлекенсем ял хуçалăх таварне туса илекенсене, кил хуçалăхне тытакансене сĕнÿ-канашпа пулăшма хатĕр. 8(83537)2-54-54 номерпе шăнкăравлама пултаратăр.

Вячеслав АЛЕКСЕЕВ,

Раççей ял хуçалăх центрĕн районти уйрăмĕн пуçлăхĕ.