Кĕрешÿри ăсталăха туптас тĕллевпе районти çамрăк спортсменсем май пур таран тĕрлĕ ăмăртусене хутшăнма тăрăшаççĕ.
Çак кунсенче вĕсем Шупашкар районĕнчи Тутаркасси поселокĕнче иртнĕ «Кĕрешÿ – ăруран ăрăва» уçă турнирта тупăшнă. Вăрнарсем хальхинче те ята яман – çĕнтерÿçĕсен йышне пиллĕкĕн лекнĕ. Чемпионсен шутĕнче виççĕн: Пăваялĕнчи Максим Иванов, Санарпуçĕнчи Антон Федоров тата Алексей Антонов. Вĕсен командăри тусĕ – Санарпуçĕнчи Савелий Иванов кĕмĕл тата Вăрнарти Тимур Ананьев бронза медальсене тивĕçнĕ.
Светлана ЧИКМЯКОВА.
