Иртнĕ шăматкун пĕтĕм республикăри пекех Вăрнар районĕнче те Сывлăхпа спорт кунĕ иртнĕ.

Район администрацийĕн культура, национальноçсен ĕçĕсен, физкультурăпа спорт пайĕн пуçлăхĕн заместителĕ Сергей Политов пĕлтернĕ тăрăх, унта поселокра, ялсенче пурăнакан 900-е яхăн çын хутшăннă.

Сывлăх кунĕ ирхи зарядкăран пуçланнă. «Химик» стадионта иртнĕскерте муниципаллă служащисем хастар пулнă: чупăва район администрацийĕн пуçлăхĕпе Леонид Николаевпа пĕрле ун заместителĕсем, ĕçченĕсем тухнă.

Çак кунах «Рассвет» физкультурăпа спорт комплексĕнче тата ун çумĕнчи площадкăсенче ГТО нормативĕсене те йышăннă. Спорт комплексне 52-ĕн пурнăçланă.

Светлана ЧИКМЯКОВА.