Сывă кĕлеткере - сывă ăс-тăн, теççĕ. Ăмăртусем йĕркелени пурнăçа спортпа пуянлатать, çитĕнекен ăрăва сывă пурнăç йĕркине явăçтарать.

Эрнекун Вăрнарти «Химик» стадион хаваслă шăв-шавпа тулчĕ. «Çĕнтерÿ çулĕ» хаçатăн тата округ администрацийĕн парнисене çĕнсе илессишĕн çăмăл атлетика эстафети иртрĕ. Пур ÿсĕмри спортсменсем те - вĕренекенсенчен тытăнса организаци-учрежденире тăрăшакансем таранах - хастарлăхпа палăрчĕç.

Çанталăкĕ тата мĕнле ырăччĕ. Хĕвел атлетсем çине ăшшăн йăл-йăл кулса пăхрĕ. Прессăн спорт фестивалĕ чăн-чăн уява çаврăнчĕ. Спортсменсем те уяр çанталăкра хăпартланса ăмăртрĕç. Пьедесталăн çÿллĕ картлашкисем çине çĕкленме ĕмĕтленекенсем мĕнпур вăя пухса чупрĕç. Паллах, пурте çĕкленÿллĕ кăмăл-туйăмпа ăмăртусене хутшăннине палăртмалла.

Тĕплĕнрех - хаçатра.

Елена ПОРФИРЬЕВА