Депутатсен район Пухăвĕн депутачĕ Рифкат Киметов ачасене спорта ытларах явăçтарас ыйтупа тимлесе ĕçленине пĕрре мар çырнă.

Вăл ертсе пыракан «Энергостроймонтаж» предприяти акă каникул кунĕсенче кĕçĕннисене конькипе туслашма май пачĕ.

Телейлисем – Вăрнарти 1-мĕш шкул ачисем. Темиçе класс харăс конькисем сырчĕç, «Кристалл» пăр катокĕнче чун килениччен ярăнчĕç.

Вĕренекенсем Рифкат Киметов вун-вун шкул ачи валли ярăнÿ сехечĕсемшĕн унччен те пĕрре мар тÿленине палăртрĕç, депутат, предприяти коллективĕ ыркăмăллăх кăтартнăшăн савăннине пĕлтерчĕç.