Вăрнар тăрăхĕнчи çамрăксем спортăн ку тĕсĕпе тачă туслашрĕç. Геннадий Анатольевич Егоров тренер «шкулĕнче» паян вун-вун ача ăсталăха туптать.

Нумаях пулмасть Вăрнар кикбоксерĕсем республикăри турнирта хамăр регионти, çавăн пекех Хусанти, Ульяновскри, Чулхулари, Йошкар-Олари спортсменсемпе вăй виçнĕ.

Вăрнарсем тăххăрăн çĕнтерÿ пьедесталĕ çине хăпарма тивĕçнĕ. Чемпионсем улттăн: Дима Петров, Даниил Юркин, Максим Михайлов, Никита Александров, Дмитрий Прокопьев, Вениамин Федоров. Ыттисем – кĕмĕл призерсем: Елена Петрова, Дима Михайлов, Василий Волков.

Командăпа вăрнарсем чи лайăх результат кăтартнă, куçса çÿрекен Кубока тивĕçнĕ.