Ытларикун район администрацийĕнче коррупцие хирĕç кĕрешессипе тимлекен Канашăн черетлĕ ларăвĕ иртнĕ. Тĕрĕслевпе шутлав органĕн председателĕ В.Ефимова вырăнти хăйтытăмлăх органĕсем муниципаллă пурлăхпа усă курас йĕркене пурнăçланин тĕрĕслев кăтартăвĕсемпе паллаштарнă. Пурăнмалли çурт-йĕрпе коммуналлă хуçалăх тытăмĕнче коррупциллĕ пулăмсене асăрхаттарма, палăртнă тарифсене мĕнле усă курнине тимлĕхре тытма йышăннă мерăсем çинчен пай пуçлăхĕ А.Иванов каланă.

Ларура пăхса тухнă пĕлтерĕшлĕ ыйтусенчен пĕри – коррупцие хирĕçле шухăшсене çамрăксем хушшинче сарасси. Г.Виноградова тĕп специалист-эксперт ăнлантарнă тăрăх, ку мероприятисене чылай çамрăка явăçтарнă, профилактикăна вăйлатма тĕрлĕрен мелсене малашне те ĕçе кĕртмелле.