Уяв умĕн районти культура çуртĕнче чуна ăшăтакан мероприяти - «Мини-мисс Вурнары» конкурс - иртнĕ. Унта кĕçĕн çулхи хĕрпĕрчисем тупăшнă.

Ача садне çÿрекенсемшĕн ку пĕрремĕш сумлă конкурс тесен те йăнăш пулмĕ. Тем пек хумхансан та вĕсем хăйсен пултарулăхне тĕрлĕ енлĕ кăтартма пултарнă. Юрлама та, ташлама та, сăвă вулама та ăста вĕсем.

Конкурс пурин чĕрине те хускатнă. Ачасене ашшĕ-амăшĕ, асламăшĕ-кукамăшĕсем, ача сачĕсен коллективĕсем хавхалантарнă.

Чи маттурри вара Вăрнарти «Березка» ача сачĕн воспитанникĕ Елизавета Андреева пулса тăнă.

Саламлатпăр!