Виçĕмкун Медицина ĕçченĕн кунне халалласа районта уяв иртнĕ. Сывлăх сыхлавĕнче тимлекенсене район администрацийĕн пуçлăхĕн тивĕçĕсене пурнăçлакан Вячеслав Горбунов, Вăрнар район тĕп больницин тĕп врачĕ Николай Тинюков саламланă. Нумай çул ырми-канми ĕçлекенсем хисепе тивĕçнĕ.

Раççей Федерацийĕн Сывлăх сыхлавĕн министрĕн Тавĕпе хирурги уйрăмĕн медсестрине Наталья Орлянкована, анестезиологи-реанимаци уйрăмĕн врач-анестезиолог-реаниматологне Марина Попована чысланă. Чăваш Республикин Сывлăх сыхлавĕн министерствин Хисеп грамотисене ача-пăча уйрăмĕн участокри медицина сестри Надежда Андреева, шăл тухтăрĕ Галина Горбунова, медицина лабораторийĕн техникĕ Елизавета Данилова, Иртеменкассинчи ФАП ертÿçи-фельдшерĕ Надежда Иванова, психиатр-нарколог пÿлĕмĕн медицина сестри Нина Максимова, хирурги уйрăмĕн медицина сестри Мира Николаева, тĕп врач заместителĕ Ольга Тумаланова, терапи уйрăмĕн медицина сестри Вероника Трофимова тивĕçнĕ.