Эпир темиçе çул ĕнтĕ хамăрăн пурлăха, автомашинăна, выльăха «Ингосстрах» шанчăклă компанире страхлатпăр. Кунта вăй хуракан сотрудниксем пирки лайăххине çеç каламалла. Вĕсем яланах ырă кăмăллă, тарават, сиксе тухакан ыйтусене çийĕнчех татса пама пулăшаççĕ. Кăçал хуçалăхра инкек пулчĕ, ĕне чирлерĕ. «Ингосстрах» компанине кирлĕ документсене тăратнă хыççăн кĕске вăхăтрах страхлав суммине пĕтĕмпех, 100 пин тенкĕ таран, счет çине куçарса пачĕç. Эпир Мăн Явăшри страхлав агентне Светлана Григорьевна Дергачевана тата «Ингосстрах» компанин Вăрнарти уйрăмĕн ертÿçине Нина Алексеевна Андреевана пысăк тав сăмахĕ калатпăр. Ĕçре ăнăçу, çитĕнÿсем, страхлав компанине малалла та аталанса, ÿссе пыма сунатпăр.

Фоминсем, Мăн Явăш