Сентябрĕн 1-мĕшĕнчен Раççейре коммуналлă хытă каяшсемпе ?ТКО% çыхăннă çĕнĕ правилăсем вăя кĕнĕ.

Вĕсемпе килĕшÿллĕн контейнерсем вырнаçтарнă вырăнсенче йывăç-тĕм тураттисене тата ÿсен-тăран юлашкисене купаласа хума юрамасть.

«Ку контейнерсемпе усă куракансене пурне те пырса тивет. Субботниксемпе йывăçсене касса тирпейлемелли мероприятисене йĕркелекенсен туратсене хăйсен илсе тухмалла е çак енпе тимлекен организаципе ятарлă договор тумалла», - пĕлтереççĕ Чăваш Республикин çутçанталăк министерствинчен.

Требованисене пăхăнмасан административлă явап тыттараççĕ. Граждансене 3 пин тенкĕ таран, юридици сăпачĕсене 250 пин тенкĕ таран штраф хума пултараççĕ.