Чăваш ен территорийĕнче тилĕсем урнă чирпе чирленин çĕнĕ «вучахне» шута илнĕ. Çавна май республика Пуçлăхĕн йышăнăвĕпе Канаш районĕнчи Вăрăмпуç ял тăрăхĕнче карантин çирĕплетнĕ. Çавăн пекех Чăваш ен Патшалăх ветеринари службин йышăнăвĕпе урнă чирĕн «вучахне» пĕтерессипе мероприятисен планне туса хунă.

Тĕпчев комиссийĕн даннăйĕсем тăрăх, урнă чĕрчун оптоволокно кабельне хуракан «Асстрой» сотрудникне тапăннă, ăна больницăна ăсатнă. Çавăн пекех ку компанин тилĕпе «кĕрешĕве» кĕнĕ тепĕр çын та урнинчен сипленет.

Выльăх чирĕсемпе кĕрешекен районти станцийĕ хамăр район çыннисене те асăрхануллă пулма ыйтать.