Волонтерсен ĕçĕн пĕлтерĕшне, кирлĕлĕхне сăмахпа туллин, тен, палăртаймăн, анчах та вĕсем мĕн тери маттуррине, уçă чĕреллине хамăр куçпа курса ĕненетпĕр. Çĕнтерÿ хăвăртрах çывхартăр, салтаксен пурнăçĕ хăрушсăрлăхра пултăр тесе тăрăшаççĕ те ĕнтĕ кунсерен.

Ярмушка территори пайĕнче, ак, пулăшу центрĕсем виçĕ çĕрте - Ярмушкара, Пуканкассинче тата Кушар Юнтапара - ĕçлеççĕ. Хастарсем ятарлă çар операцийĕ тытăннăранпа пĕр кун сиктермесĕр тенĕ пек кирлĕ ĕçе хутшăнаççĕ.

Тĕрлĕ енлĕ пулăшу ĕçне йĕркеленĕ кунта. Кушар-юнтапасем Алина Спиридонова библиотекарь, ярмушкасем клуб ертÿçи Надежда Лаврентьева ертсе пынипе маскировка сеткисем çыхаççĕ. Пуканкассисем вара Альбина Фомина ял старости, ăста журналист пуçарнипе хĕллехи вăхăтра окоп çуртисем тăваççĕ.

Тĕплĕнрех - хаçатра.

Светлана ЧИКМЯКОВА