Хаçат-журнал вуламасăр пурăнма йывăр. Этеме чун апачĕ кирлех. Анчах та ĕçĕ кăткăсран почтальонсем яллă тăрăхра тăрăшасшăн мар.

Акă, Малтикас Ялтăрапа Уйкас Ялтăрара хаçат-журнал валеçекенсем умлăн-хыçлăн улшăнчĕç. Пирĕн телее, маттур тата хастар çын тупăнчĕ. Вăл Зинаида Кондратьева. Хăйĕн тивĕçне тÿрĕ кăмăлпа пурнăçлать, хаçат-журнал, пенси вăхăтра валеçет. Кунсăр пуçне çутăшăн, газшăн тÿлемелли квитанцисене килĕрен çитерет.

Халĕ тата почтальонсене тепĕр ĕçе кÿлчĕç. Вĕсен çÿп-çап тÿлемелли çинчен каланă пĕлтерÿсене те килĕрен валеçмелле иккен. Çакă кирек мĕнле çанталăкра та çула тухакан почтальонсен ĕçне тата йывăрлатмасть-ши?! Зинаида Кондратьева чăтăмлăх çитерсе пархатарлă ĕçре тата нумай çул тăрăштăрччĕ.

Нина ПАРАМОНОВА.