Кăçалхи ноябрĕн 12–23-мĕшĕсенче республикăра Пĕтĕм Раççейри «Ăçта вилĕм сутаççĕ – пĕлтер» наркотиксене хирĕçле акци иртет.

Унăн тĕллевĕсем анлă тата пĕлтерĕшлĕ, общественноçе наркотиксен саккунсăр çаврăнăшне хирĕç тăма явăçтарасси, оперативлă информацие пухса тĕрĕслесси, наркотиклă япаласене саракансене вăхăтра палăртса тытса чарасси.

РФ Административлă правăна пăсни çинчен калакан кодексĕн 6.9-мĕш статйинче палăртнă тăрăх, наркотиклă тата психотроплă япаласене, ăс-тăна минретекен ытти хăрушă веществосене врач хушăвĕсĕр усă курнăшăн 4–5 пин тенкĕ штраф е 15 талăк таран административлă арест хума пăхнă.

РФ Уголовлă кодексĕн 228.1-мĕш статйипе килĕшÿллĕн вара, наркотиксемпе психотроплă япаласене е вĕсен аналогĕсене, çавăн пекех наркотиклă япаласем пур ÿсентăрансене е вĕсен пайĕсене саккунсăр майпа хатĕрленĕшĕн, сутнăшăн е ярса панăшăн 4 çултан пуçласа 20 çулччен ирĕксĕр хăварма пултараççĕ.

Сирĕн гражданла позици çирĕп, эсир полици сотрудникĕсене наркотиксен саккунсăр çаврăнăшĕпе çыхăннă киревсĕр ĕçсене асăрхаттарас, ку усала саракансене тупса палăртас тĕлĕшпе пулăшма хатĕр, апла пулсан çак телефонсемпе шăнкăравлама ыйтатпăр (анонимлă майпа та юрать), 8(83537) 2-50-02 (полицин «Вурнарский» пайĕн дежурнăй чаçĕ), 89373780297 (уголовлă шырав уйрăмĕн оперуполномоченнăйĕ).

М.НАУМОВ,

полицин «Вурнарский» пайĕн уголовлă

шырав уйрăмĕн оперуполномоченнăйĕ.