Вăрнарти ял хуçалăх техникумĕ профориентаци эрнине тата волонтер-профориентаторсен «Твой выбор профессии!» акцие ытти çулхи пекех хастар хутшăннă.
Професси суйлама пулăшакан мероприятисем квест мелĕпе иртнĕ. Вĕсене Вăрнарти 1-мĕшпе 2-мĕш, Пăртасри, Кÿстÿмĕрти шкулсенче вĕренекенсем хутшăннă. Кашни класс çумнех икшер волонтер çирĕплетнĕ. Вĕсем вĕренекенсене тĕрлĕ «станцисем» тăрăх çула илсе тухнă: экономика, технологи, математика, ветеринари, истори, автомеханика, физика енĕпе. «Аукцион» станцире ачасем пĕр минутра миçе професси ячĕсене пĕлессипе тупăшнă.
Шкул ачисен çавăн пекех республикăри «Çамрăк профессионалсем» уçă чемпионатăн суйлавлă ăмăртăвне те пăхма май пулнă. Техникумра конкурс повар-кондитерсем, техника мастерĕсем хушшинче иртнĕ.
Профориентаци эрнине библиотека та хутшăннă, вĕренекенсене ятарлă кĕнекесемпе паллаштарнă.
Светлана ЧИКМЯКОВА.
